Danas smo u morskom raspoloženju pa smo se odlučili da sa vama podjelimo recepte za dva odlična morska specijaliteta: bijelu i crvenu buzaru.

Sastojci:

  • Bijela buzara:
  • 1 kg dagnji
  • 1 crveni luk
  • 1 manja veza peršuna
  • 3 čena bijelog luka
  • 2 dl bijelog vina
  • 0,5 dl maslinovog ulja
  • 50 g putera
  • krupna morska so
  • biber

Priprema:  

Dagnje očistiti od morske trave i odbaciti dagnje koje su napukle ili su se otvorile. Crveni luk oljuštiti i isjeckati na rebarca. Bijeli luk oljuštiti i isjeckati na tanke listiće. Peršunov  list sitno isjeckati.

Zagrijati šerpu odgovarajuće veličine i na maslinovom ulju propržiti crveni i bijeli luk, posoliti i pobiberiti. Kada crveni i bijeli luk omekšaju ubaciti očišćene dagnje. Kratko propržiti i naliti bijelim vinom. Poklopiti i kuvati 5-7 minuta, dok se školjke ne otvore. Ugasiti vatru i na kraju dodati puter i sitno sjeckano peršunovo lišće, pa sve promiješati i služiti dagnje prelivene saftom od kuvanja, uz komad hljeba.

Foto: kitchentv.rs

Crvena buzara:

  • 500 g kozica
  • 1 crveni luk
  • 1 manja veza bosiljka
  • 4 čena bijelog luka
  • 2 dl bijelog vina
  • 0,5 dl maslinovog ulja
  • 400 g paradajz pelata
  • 50 g putera
  • 1 suva peperonćino papričica
  • krupna morska so
  • biber

Priprema:

Crveni luk oljuštiti i isjeći na rebarca. Bijeli luk oljuštiti i isjeći na tanke listiće.

U zagrijanom vok tiganju, na maslinovom ulju, propržiti crveni i bijeli luk. Posoliti i pobiberiti. Kada crveni i bijeli luk omekšaju naliti bijelim vinom. Ukuvati par minuta dok vino malo ne redukuje i alkohol ne ispari. Naliti paradajz pelatom i varjačom usitniti komade paradajza. Dodati cijele kozice. Sve kratko ukuvati. Listove svježeg bosiljka iscjepkati prstima i dodati u vok. Na kraju kuvanja crvene buzare ubaciti puter i izmrvljenu peperonćino papričicu,  pa ukuvati još minut i služiti uz komad hljeba.

Izvor: kitchentv.rs

Podijeli ovo